മലപ്പുറം: മുത്വലാഖ് വിഷയത്തില്‍ മുസ്‌ലിം ലീഗ് അഭിപ്രായം പറയണമെന്ന് മന്ത്രി കെ.ടി ജലീല്‍. മറ്റെല്ലാ വിഷയങ്ങളിലും സ്വന്തം അഭിപ്രായം രേഖപ്പെടുത്തുന്നവര്‍ മുത്വലാഖ് വിഷയത്തില്‍ മാത്രം മതപണ്ഡിതന്മാര്‍ക്ക് അവസരം നല്‍കി മാറി നില്‍ക്കുന്നത് ശരിയല്ലെന്നും അദ്ദേഹം അഭിപ്രായപ്പെട്ടു.  മുത്വലാഖ് നടപ്പാക്കുന്നതിനെ അനുകൂലിക്കുന്നതിന് പകരം മുസ്‌ലി സമൂഹം എതിര്‍ക്കുകയാണ് വേണ്ടതെന്നും കെ.ടി ജലീല്‍ പറഞ്ഞു. വിവിധ ജനവിഭാഗങ്ങള്‍ വ്യത്യസ്ത ആചാരങ്ങളുമായി ജീവിക്കുന്ന ഇന്ത്യയില്‍  ഏകസിവില്‍ കോഡ് നടപ്പാക്കുന്നത് പ്രായോഗികമല്ലെന്നും അതു നടപ്പാക്കുന്നത് ഒരു നിലക്കും അംഗീകരിക്കില്ലെന്നും മന്ത്രി പറഞ്ഞു.