കോട്ടക്കല്‍: നിയോജകമണ്ഡലത്തിലെ വിവിധ കുടിവെള്ള പദ്ധതികളുടെ അവലോകനം നടത്തുന്നതിനായി പ്രൊഫ. ആബിദ് ഹുസൈന്‍ തങ്ങള്‍ എം.എല്‍.എയുടെ നേതൃത്വത്തില്‍ മലപ്പുറത്ത് യോഗം ചേര്‍ന്നു.
മണ്ഡലത്തിലെ നഗരസഭകളിലെയും പഞ്ചായത്തുകളിലെയും വിവിധ കുടിവെള്ള പദ്ധതികളുടെ പ്രവര്‍ത്തന പുരോഗതി വിലയിരുത്തി. പദ്ധതികളുടെ പൂര്‍ത്തീകരണത്തിന് ആവശ്യമായ പ്രവര്‍ത്തികള്‍ വേഗത്തിലാക്കണമെന്ന് എം.എള്‍.എ വാട്ടര്‍ അതോറിറ്റി ഉദ്യോഗസ്ഥര്‍ക്ക് നിര്‍ദ്ദേശം നല്‍കി.
യോഗത്തില്‍ എം.എല്‍.എ അധ്യക്ഷനായി. വിവിധ തദ്ദേശ പ്രതിനിധികളായി കെ.കെ നാസര്‍, എം. ഷാഹിന ടീച്ചര്‍, ആതവനാട് മുഹമ്മദ് കുട്ടി, ഉമ്മുകുല്‍സു സി.പി, വി. മധൂസൂദനന്‍, കെ. മൊയ്തീന്‍, വസീമ വേളേരി എന്നിവരും വാട്ടര്‍ അതോറിറ്റി, ജലനിധി ഉദ്യോഗസ്ഥരായ പി.എ ഷംസുദ്ദീന്‍, അബ്ദുല്ലത്തീഫ് കെ.വി.എം, കെ യൂസുഫ്, സന്തോഷ് മുഞ്ഞക്കോട്ടില്‍, അജയ്കുമാര്‍ എന്നിവരും പങ്കെടുത്തു.