കാളികാവ്: ഔഷധസസ്യം ഓരോ വീട്ടിലും പദ്ധതിക്ക് തുടക്കമായി. കുട്ടികളുടെ സാംസ്‌കാരിക സംഘടനയും പരിസ്ഥിതി ക്ലബുമായ ബാലദീപം പ്രവര്‍ത്തകരാണ് ചോക്കാട് പെടയന്താളിലെ ഓരോ വീട്ടിലും ഔഷധ സസ്യം നട്ടത്. വിവിധയിനം ഔഷധ സസ്യങ്ങളാണ് വച്ചുപിടിപ്പിച്ചിട്ടുള്ളത്. മുന്‍ വിദ്യാഭ്യാസ ഡയറക്ടര്‍ ശ്രീചിത്രന്‍ നമ്പൂതിരിപ്പാട് തൃശൂര്‍ ഉദ്ഘാടനം ചെയ്തു. ദേവകി ടീച്ചര്‍, ശിവാത്മജന്‍, പ്രദീപ്കുമാര്‍, പി.വി മോഹനന്‍ പങ്കെടുത്തു.