മാള: ആദിവാസി കുട്ടികളുടെ മരണത്തെ പരാമര്‍ശിച്ചുകൊണ്ട് വകുപ്പുമന്ത്രി എ.കെ ബാലന്‍ നിയമസഭയില്‍ പറഞ്ഞ മറുപടി തികഞ്ഞ സംസ്‌കാരശൂന്യമാണെന്ന് കെ.പി.എം.എസ് മാള യൂണിയന്‍ കുറ്റപ്പെടുത്തി. എസ്.സി.എസ്.ടി വകുപ്പിന്റെ ചുമതലയും പ്രത്യേകിച്ച് സാംസ്‌കാരിക വകുപ്പിന്റെ മന്ത്രി കൂടിയായ എ.കെ ബാലന്റെ ഭാഗത്ത് നിന്നുണ്ടായത് സ്ത്രീത്വത്തെ അപമാനിക്കലാണ്.
ആദിവാസി സമൂഹത്തെ ഇത്തരത്തില്‍ അപമാനിച്ച മന്ത്രിക്കെതിരെ നടപടി സ്വീകരിക്കുവാന്‍ മുഖ്യമന്ത്രി തയ്യാറാകണമെന്നും യൂണിയന്‍ കമ്മിറ്റി യോഗം ആവശ്യപ്പെട്ടു. ബൈജു മണന്തറ, ലോചനന്‍ അമ്പാട്ട്, പി.കെ സുരേന്ദ്രന്‍, ടി.കെ ഉണ്ണികൃഷ്ണന്‍, പി.എസ് മനോജ്, എം.വി കുഞ്ഞുകുട്ടന്‍, തങ്കമ്മ വേലായുധന്‍ സംസാരിച്ചു.