കൊടുങ്ങല്ലൂര്‍: പുല്ലൂറ്റ് കോഴിക്കുളങ്ങരയില്‍ കുടുംബശ്രീയുടെ ഫാസ്റ്റ് ഫുഡ് സ്ഥാപനത്തിന് നേരെ അക്രമം. നാരായണമംഗലം-കോഴിക്കുളങ്ങര റോഡരികില്‍ പ്രവര്‍ത്തിക്കുന്ന പുഴയോരം ഫാമിലി ഫാസ്റ്റ് ഫുഡ് എന്ന സ്ഥാപനത്തിന് നേരെയാണ് വെള്ളിയാഴ്ച രാത്രി ആക്രമണമുണ്ടായത്. കടയില്‍ സൂക്ഷിച്ചിരുന്ന പലചരക്ക് സാധനങ്ങളും മറ്റും വലിച്ചെറിഞ്ഞ നിലയിലാണ്. താല്‍കാലിക ഷെഡിലെ പ്ലാസ്റ്റിക് ഷീറ്റുകള്‍ നശിപ്പിക്കുകയും ചെയ്തിട്ടുണ്ട്. കൊടുങ്ങല്ലൂര്‍ പൊലിസ് കേസെടുത്ത് അന്വേഷണം ആരംഭിച്ചു. അഡ്വ. വി.ആര്‍. സുനില്‍കുമാര്‍ എം.എല്‍.എ. സംഭവസ്ഥലം സന്ദര്‍ശിച്ചു.