മംഗളൂരു: പ്രഭാത സവാരിക്കിറങ്ങിയ യുവാവിനെ ഒരു സംഘം ആളുകള്‍ അക്രമിച്ചു. സംഭവത്തില്‍ ഗുരുതരമായി പരുക്കേറ്റ ഇയാളെ ആശുപത്രിയില്‍ പ്രവേശിപ്പിച്ചു. കൊണാജെ പജീറിലെ ഉമേശന്റെ മകന്‍ കാര്‍ത്തിക് ആണ് അക്രമത്തിനിരയായത്. അസൈഗോളിയില്‍ വച്ച് ഇന്നലെ രാവിലെയാണ് സംഭവം. പജീറില്‍ നിന്നും അസൈഗോളിയിലേക്ക് ദിനേ കാര്‍ത്തിക് പ്രഭാത സവാരി നടത്താറുണ്ട്. ഇവിടെ നിന്നും സുഹൃത്തിനോടൊപ്പം ജിമ്മിന് പോവുകയാണ് പതിവ്.
പതിവുപോലെ ഇന്നലെ രാവിലെ പ്രഭാത സവാരിക്കിറങ്ങിയതായിരുന്നു കാര്‍ത്തിക്. അസൈഗോളിയിലെ ഗണേഷ് മഹലിന് സമീപമെത്തിയപ്പോഴാണ് ഒരു സംഘം കാര്‍ത്തികിനെ അക്രമിച്ചത്.
തലയ്ക്ക് ഗുരുതരമായി പരുക്കേറ്റ ഇയാളെ നാട്ടുകാരാണ് ആശുപത്രിയില്‍ പ്രവേശിപ്പിച്ചത്. സംഭവത്തില്‍ കൊണാജെ പൊലിസ് കേസെടുത്ത് അന്വേഷണം ആരംഭിച്ചു.