കുമ്പള: മത- ഭൗതിക വിദ്യഭ്യാസ രംഗത്ത് പുത്തന്‍ കാല്‍വെപ്പുകളുമായി ഉത്തര മലബാറിന്റെ പ്രതീക്ഷയായി വളര്‍ന്ന ഇമാം ശാഫി അക്കാദമിയില്‍ വനിതാ വിദ്യാഭ്യാസത്തിനായി പ്രത്യേക ക്യംപസ് സജ്ജമാകുന്നു. കുമ്പള ബദ്‌രിയ്യാ നഗറിലെ അക്കാദമി ക്യാംപസിന് സമീപമൊരുങ്ങുന്ന ഷീ-ക്യാംപസിന്റെ ശിലാസ്ഥാപനം ഇന്ന് മൂന്നിന് മുനവ്വറലി ശിഹാബ് തങ്ങള്‍ നിര്‍വഹിക്കും എസ്.എസ്.എല്‍.സിക്ക് ശേഷം പ്ലസ്ടു, ഡിഗ്രി എന്നിവയോടൊപ്പം ചിട്ടയൊത്ത മതപഠനവും പ്രായോഗിക പരിശീലനവും സമന്വയിപ്പിച്ച അഞ്ചു വര്‍ഷത്തെ കോഴ്‌സാണ് അക്കാദമി വിഭാവനം ചെയ്യുന്നത്.
ചടങ്ങില്‍ അക്കാദമി ചെയര്‍മാന്‍ എം. എ ഖാസിം മുസ്‌ലിയാര്‍ അധ്യക്ഷനാവും. സയ്യിദ് കെ.എസ് അലി തങ്ങള്‍ കുമ്പോള്‍ പ്രാര്‍ത്ഥനക്കും സൈനുല്‍ ആബിദീന്‍ തങ്ങള്‍ കുന്നുങ്കൈ മജ്‌സിസുന്നൂറിനും നേതൃത്വം നല്‍കും.
കീച്ചേരി അബ്ദുല്‍ ഗഫൂര്‍ മൗലവി മുഖ്യപ്രഭാഷണം നടത്തും. സമസ്ത ജില്ലാ സെക്രട്ടറി യു.എം അബ്ദുറഹിമാന്‍ മുസ്‌ലിയാര്‍, ഖാസി പയ്യക്കി അബ്ദുല്‍ഖാദിര്‍ മുസ്‌ലിയാര്‍, ഖാസി മദനി തങ്ങള്‍, എം.എസ് മദനി തങ്ങള്‍ ഓലമുണ്ട, ചെര്‍ക്കളം അബ്ദുല്ല, പി.ബി അബ്ദുറസാഖ് എം.എല്‍.എ, എന്‍.എ നെല്ലിക്കുന്ന് എം.എല്‍.എ, മെട്രോ മുഹമ്മദ് ഹാജി, ഡോ. പി.എ ഇബ്രാഹീം ഹാജി, വൈ. അബ്ദുല്ലക്കുഞ്ഞി ഹാജി യെനപ്പോയ, മുക്രി ഇബ്രാഹീം ഹാജി, എ.ജി.സി ബഷീര്‍, യഹ്‌യ തളങ്കര, ലത്തീഫ് ഉപ്പളഗേറ്റ്, ഹാജി.കെ മുഹമ്മദ് അറബി കുമ്പള, ഡോ. ഇസുദ്ദീന്‍ മുഹമ്മദ് കുമ്പള, അബ്ദുല്‍ഖാദിര്‍ ഹാജി മൊഗ്രാല്‍, ഡോ. പാവൂര്‍ മുഹമ്മദ്, ഡോ. ഫസല്‍ റഹ്മാന്‍, ഡോ. ഖത്തര്‍ ഇബ്രാഹീം ഹാജി, സി.ടി അഹമ്മദലി, എം.സി ഖമറുദ്ധീന്‍, എ. അബ്ദുറഹ്മാന്‍, പി.എ അശ്‌റഫലി, എസ്.എ.എം ബഷീര്‍, ബി.കെ അബ്ദുല്‍ ഖാദര്‍ ഖാസിമി, എം.പി മുഹമ്മദ് സഅദി, കെ.എല്‍ അബ്ദുല്‍ ഖാദിര്‍ ഖാസിമി, ഹാദി തങ്ങള്‍, പൂക്കോയ തങ്ങള്‍ ചന്തേര, പാത്തൂര്‍ അഹമദ് മുസ്‌ലിയാര്‍, മീപ്പിരി ശാഫി ഹാജി, മൂസ ഹാജി കൊടിയമ്മ, അബൂബക്കര്‍ സാലൂദ് നിസാമി, ആര്‍.കെ അബ്ദുല്ല ഹാജി, സലാം ദാരിമി ആലമ്പാടി, അബുല്‍ അക്‌റം, മുഹമ്മദ് ബാഖവി, ഇ.പി ഹംസത്തുസഅദി, പി.എസ് ഇബ്രാഹീം ഫൈസി പള്ളങ്കോട്, സ്വാലിഹ് മുസ്‌ലിയാര്‍ ചൗക്കി, ഖത്തര്‍ അബ്ദുല്ല ഹാജി, എന്‍.കെ അബ്ദുല്ല മൗലവി, സിദ്ദീഖ് അസ്ഹരി പാത്തൂര്‍, സലാം ഫൈസി പേരാല്‍, സുബൈര്‍ നിസാമി സംബന്ധിക്കും.