കരിങ്കല്ലത്താണി: വയനാട് കല്‍പ്പറ്റ ഗൂഡലായ് തറോല വീട്ടില്‍ മുഹമ്മദിന്റെ മകന്‍ ഷൈജന്‍ (30)ആണ് നാട്ടുകല്‍ പോലീസിന്റെ പിടിയിലായത്. ബൈക്ക് മോഷണനുമായി ബന്ധപ്പെട്ട് അലനല്ലൂര്‍ ഭാഗത്ത് വെച്ചാണ്. നാട്ടുകല്‍ എസ്.ഐ വി.എസ് മുരളീധരന്‍, ഷാഫി, സഹദ്, അജി എന്നിവരടങ്ങുന്ന സംഘം പ്രതിയെ പിടികൂടിയത്.
ബൈക്ക് നഷ്ടപ്പെട്ട് ഉണ്യാല്‍ സ്വദേശിയായ ബാബു നല്‍കിയ പരാതിയില്‍ അന്വേഷണത്തിനിടയിലാണ് പ്രതിയെ പിടികൂടുന്നത്. വിവിധ സ്റ്റേഷനുകളില്‍ 28 ഓളം കേസുകളില്‍ പ്രതിയാണ് ഇയാളെന്ന് എസ്.ഐ. പറഞ്ഞു. ദിവസങ്ങളായി അലനല്ലൂര്‍ ഭാഗത്ത് വാടക വീട്ടില്‍ കഴിയുകയാണ് ഇയാള്‍.ബൈക്ക് മോഷണവുമായി ബന്ധപ്പെട്ട് ഒന്നാം പ്രതിയായ ഹംസയെ ആഴ്ചകള്‍ക്ക് മുന്‍പ് പിടികൂടിയിരുന്നു. അന്ന് ഇയാള്‍ ഓടി രക്ഷപ്പെട്ടതായും പറഞ്ഞു. പ്രതിയെ വെള്ളിയാഴ്ച കോടതിയില്‍ ഹാജരാക്കി റിമാന്റ് ചെയ്തു.