പടിഞ്ഞാറങ്ങാടി : തലക്കശ്ശേരി അമ്പലത്തിന്ന് സമീപം വെള്ളിയാഴ്ച്ച രാത്രി പത്ത് മണിയോടെ കാര്‍ നിയന്ത്രണം വിട്ട് മറിഞ്ഞു. വന്‍ ദുരന്തം ഒഴിവായി. തലക്കശ്ശേരി സ്വദേശി കണിച്ചിറക്കല്‍ ബാവ എന്നവരുടെ കാറാണ് അപകടത്തില്‍ പെട്ടത്.വീടിന്റെ നൂറ് മീറ്റര്‍ അകലെ വെച്ചാണ് സംഭവം. പടിഞ്ഞാറങ്ങാടിയില്‍ നിന്നും വീട്ടിലേക്ക് വരുമ്പോഴാണ് അപകടം നടന്നത്. ഡ്രൈവര്‍ ഉറങ്ങിയതാണ് കാരണം റോഡിന്റെ വശത്തുള്ള സര്‍വേ കല്ലില്‍ കാര്‍ തട്ടിയതോടെ പെട്ടെന്ന് ആക്‌സിലേറ്റര്‍ കൂട്ടുകയും ഉടനെ ബ്രേക്ക് ചെയ്യുകയും ചെയ്തതോടെ തൃത്താല ഭാഗത്തേക്ക് പോവുകയായിരുന്ന കാര്‍ പടിഞ്ഞാറങ്ങാടി ഭാഗത്തേക്ക് തിരിഞ്ഞ് മറിയുകയായിരുന്നു. തൊട്ടപ്പുറത്തുള്ള വൈദ്യുതി പോസ്റ്റില്‍ ഇടിക്കാതിരുന്നതും. കനാലിലേക്ക് മറിയാതിരുന്നതും വന്‍ ദുരന്തം ഒഴിവാക്കി. ഡ്രൈവര്‍ മാത്രമാണ് കാറില്‍ ഉണ്ടായിരുന്നത്. നിസാര പരിക്കേറ്റു.
മണ്ണാര്‍ക്കാട്: ബൈക്കുകള്‍ കൂട്ടിയിടിച്ച് യുവാവിന് പരുക്കേറ്റു. കുമരംപുത്തൂര്‍ പൂന്തുരുത്തിക്കുന്നില്‍ മാട്ടുമ്മല്‍ വീട്ടില്‍ രാജന്റെ മകന്‍ രാഹുല്‍ (23) നാണ് പരുക്കേറ്റത്. ശനിയാഴ്ച രാവിലെ 10 മണിയോടെ കുളപ്പാടം പാലത്തിന് സമീപമാണ് അപകടം. പരുക്കേറ്റ രാഹുലിനെ വട്ടമ്പലം സ്വകാര്യ ആശുപത്രിയില്‍ പ്രവേശിപ്പിച്ചു.