മേപ്പാടി: റോഡിന്റെ തകര്‍ച്ച കാരണം ദുരിതത്തിലായ നാട്ടുകാര്‍ക്ക് കെ.എസ്.യുവക മാസ്‌ക് വിതരണം ചെയ്തു. പൊടി ശല്യത്തില്‍ നിന്നും രക്ഷനേടാനാണ് കെ.എസ്.യു യാത്രക്കാര്‍ക്കും ഡ്രൈവര്‍മാര്‍ക്കും മാസ്‌ക് നല്‍കിയത്. കെ.എസ്.യു ജില്ലാ പ്രസിഡന്റ് ജഷീര്‍ പള്ളിവയലിന്റെ നേതൃത്വത്തിലായിരുന്നു പ്രതിഷേധ സൂചകമായി മാസ്‌ക് വിതരണം. പൊടി ശല്യം ഏറ്റവും രൂക്ഷമായി അനുഭവപ്പെടുന്ന കോട്ടവയല്‍ മുതല്‍ മാനിവയല്‍ വരെ മാസ്‌ക് കെട്ടി പ്രതിഷേധ പ്രകടനവും നടത്തി. വാഹനങ്ങളില്‍ കയറി യാത്രക്കാര്‍ക്ക് പ്രവര്‍ത്തകര്‍ മാസ്‌ക് ധരിപ്പിച്ചു. റോഡ് പണി ഉടന്‍ ആരംഭിച്ചില്ലങ്കില്‍ കരാറുകാരനെ തെരുവില്‍ നേരിടുമെന്ന് മാര്‍ച്ച് ഉദ്ഘാടനം ചെയ്ത് ജഷീര്‍ പള്ളിവയല്‍ പറഞ്ഞു. അഫ്‌സല്‍, ജിന്‍സണ്‍ കുളത്തിങ്കല്‍, ഗൗതം കോട്ടൈല്‍, മുനീര്‍ പൊഴുതന, അരുണ്‍ നേതൃത്വം നല്‍കി.