കല്‍പ്പറ്റ: കോഴിക്കോട് ആസ്ഥാനമായി പ്രവര്‍ത്തിക്കുന്ന കിര്‍താഡ്‌സ് (കേരള പട്ടികജാതി പട്ടികവര്‍ഗ ഗവേഷണ പരിശീലന വികസന പഠന വകുപ്പ്) ബെട്ട (വെട്ടം) പണിയ ഭാഷാസഹായി എന്ന പ്രൊജക്ടുമായി ബന്ധപ്പെട്ട ഗവേഷണപഠനം നടത്തുന്നതിന് താല്‍ക്കാലികാടിസ്ഥാനത്തില്‍ പ്രൊജക്ട് ഫെലോയെ (ലിംഗ്വിസ്റ്റിക്‌സ്) നിയമിക്കുന്നു. അഭിമുഖം ഈമാസം 27ന് കിര്‍താഡ്‌സ് കാംപസില്‍. യോഗ്യത: അംഗീകൃത സര്‍വകലാശാലയില്‍ നിന്ന് ലിംഗ്വിസ്റ്റിക്‌സ് വിഷയത്തില്‍ കുറഞ്ഞത് രണ്ടാം ക്ലാസോടെ ലഭിച്ച മാസ്റ്റര്‍ ബിരുദം. പ്രതിഫലം: 15,000 രൂപ. കാലാവധി: മൂന്ന് മാസം. സര്‍ട്ടിഫിക്കറ്റിന്റെ സ്വയം സാക്ഷ്യപ്പെടുത്തിയ പകര്‍പ്പുകളും വ്യക്തിഗത വിവരങ്ങളും അടങ്ങിയ അപേക്ഷയടക്കം ഒക്‌ടോബര്‍ 27ന് കിര്‍താഡ്‌സ് കാംപസില്‍ ഹാജരാകണം. ഫോണ്‍: 0495 2357329.