താമരശ്ശേരി: പൂനൂര്‍ പുഴയിലെ നെല്ലിക്കാംകïണ്ടി കടവില്‍ സാമൂഹ്യവിരുദ്ധരുടെ ശല്യം രൂക്ഷമാകുന്നു. പുഴയില്‍ കുളിക്കാനെത്തുന്ന സ്ത്രീകളെയും കുട്ടികളെയും ലക്ഷ്യമാക്കിയാണ് പലരും ഇവിടെയെത്തുന്നത്. കൂട്ടമായി എത്തുന്ന സംഘങ്ങള്‍ പരസ്യമായി മദ്യപിച്ച് ശല്യം ചെയ്യുന്നതായി പ്രദേശവാസികള്‍ പറയുന്നു.
ഇതിനെതിരേ പ്രതികരിക്കുന്ന നാട്ടുകാരെ ഇവര്‍ സംഘം ചേര്‍ന്ന് ഭീഷണിപ്പെടുത്തുകയും ചെയ്യുന്നുïണ്ട്. നേരത്തെ മൊബൈല്‍ ഫോണില്‍ സ്ത്രീകളുടെ ഫോട്ടോയെടുക്കാന്‍ ശ്രമിച്ചത് നാട്ടുകാര്‍ പിടികൂടിയിരുന്നു. ദൂരെ ദിക്കുകളില്‍ നിന്നും കുളിക്കാനും അലക്കാനും നിരവധി സ്ത്രീകളും കുട്ടികളും ഇവിടെയെത്തുന്നത്. കടവിലെത്തുന്ന സാമൂഹ്യവിരുദ്ധര്‍ക്കെതിരേ നടപടിയെടുക്കണമെന്നാവശ്യപ്പെട്ട് പ്രദേശവാസികള്‍ പൊലിസില്‍ പരാതി നല്‍കിയിരിക്കുകയാണ്.