പറവൂര്‍: പറവൂര്‍ ഉപജില്ല സ്‌കൂള്‍ കലോത്സവം ഇന്നു മുതല്‍ 28 വരെ കരിമ്പാടം ഡി.ഡി സഭ ഹൈസ്‌കൂളില്‍ നടക്കും.
ആറ് ദിവസങ്ങളില്‍ ഏഴ് വേദികളിലായി അയ്യായിരം വിദ്യാര്‍ഥികള്‍ മത്സരത്തില്‍ പങ്കെടുക്കുമെന്നു സ്വാഗത സംഘം ജനാല്‍ കണ്‍വീനര്‍ ഇ.എസ് ഷീബ വാര്‍ത്താ സമ്മേളനത്തില്‍ പറഞ്ഞു. ഒമ്പതിനായിരം വിദ്യാര്‍ഥികള്‍ക്കാണ് ഭക്ഷണമൊരുക്കുന്നത്.
ഇന്ന് ഉച്ചക്ക് മൂന്നിന് പറവൂര്‍ കച്ചേരി മൈതാനിയില്‍ നിന്നും വിവിധ വാദ്യകലാ രൂപങ്ങളുടെ അകമ്പടിയോടുകൂടി ഘോഷയാത്ര നടക്കും. തുടര്‍ന്ന് നാലിന് ആരംഭിക്കന്ന സമ്മേളനത്തില്‍ വി.ഡി സതീശന്‍ എം.എല്‍.എ കലോത്സവം ഉഘാടനം ചെയ്യും. എസ് ശര്‍മ എം.എല്‍.എ അധ്യക്ഷനാകും.
24നു രാവിലെ ഒന്‍പതു മുതല്‍ കലാമത്സരങ്ങള്‍ ആരംഭിക്കും.
28ന് വൈകീട്ട് നാലിന് നടക്കുന്ന സമാപന സമ്മേളനം പ്രൊഫ.കെ.വി തോമസ് എം.പി ഉഘാടനം ചെയ്യും. വി.കെ ഇബ്രഹിം കുഞ്ഞ് എം.എല്‍.എ അധ്യക്ഷനാകും.
വാര്‍ത്ത സമ്മേളനത്തില്‍ സ്‌കൂള്‍ മാനേജര്‍ എം.കെ ചിദംബരന്‍, പഞ്ചായത്ത് പ്രസിഡന്റ് എ.എം ഇസ്മയില്‍, പി.ടി.എ പ്രസിഡന്റ് സി.ആര്‍ ഉണ്ണിക്കൃഷ്ണന്‍, വാര്‍ഡ് മെമ്പര്‍ അഡ്വ: ടി.ജി അനൂപ്, കെ.പി സദാനന്ദന്‍ എന്നിവരും പങ്കെടുത്തു.