കോട്ടയം: ഹൈസ്‌കൂള്‍ വിദ്യാര്‍ത്ഥികള്‍ക്കായി ആരോഗ്യവകുപ്പ് സംഘടിപ്പിച്ച ആരോഗ്യതാരകം ക്വിസ് മത്സരത്തില്‍ കാഞ്ഞിരപ്പള്ളി സെന്റ് ഡൊമിനിക് സ്‌കൂളിലെ സംഗീത ആന്‍ തോമസ്, ദിവ്യാ സുരേഷ് എന്നിവര്‍ ഒന്നാം സ്ഥാനവും സെന്റ് സാന്താള്‍ സ്‌കൂളിലെ നീതു ജോര്‍ജ്ജ്, രേഖ മുരളീധരന്‍ എന്നിവര്‍ രണ്ടാം സ്ഥാനവും നേടി.
എറണാകുളത്ത് നടക്കുന്ന ആരോഗ്യതാരകം സോണല്‍ മത്സരത്തില്‍ ഇവര്‍ കോട്ടയം ജില്ലയെ പ്രതിനിധീകരിച്ച് പങ്കെടുക്കും. മൗണ്ട് കാര്‍മ്മല്‍ ഹയര്‍ സെക്കണ്ടറി സ്‌കൂളില്‍ നടന്ന ക്വിസ് മത്സരത്തിന്റെ ഉദ്ഘാടനം തിരുവഞ്ചൂര്‍ രാധാകൃഷ്ണന്‍ എം.എല്‍.എ നിര്‍വഹിച്ചു. ജില്ലാ പഞ്ചായത്ത് പ്രസിഡന്റ് ജോഷി ഫിലിപ്പ് അദ്ധ്യക്ഷത വഹിച്ചു. ജില്ലാ പഞ്ചായത്ത് ആരോഗ്യ സ്റ്റാന്റഡിംഗ് കമ്മിറ്റി ചെയര്‍മാന്‍ അഡ്വ. സണ്ണി പാമ്പാടി, ജില്ലാ മെഡിക്കല്‍ ഒഫീസര്‍ ഡോ. ജേക്കബ് വര്‍ഗ്ഗീസ്, വിദ്യാഭ്യാസ വകുപ്പ് ഡെപ്യൂട്ടി ഡയറക്ര്‍ സുധാ കെ, ജില്ലാ ആര്‍.സി.എച്ച് ഓഫീസര്‍ ഡോ. ബി. തങ്കമ്മ, ആരോഗ്യകേരളം ജില്ലാ പ്രോഗ്രാം മാനേജര്‍ ഡോ. ലാല്‍ ആന്റണി ഹെഡ്മിസ്ട്രസ് റവ. സിസ്റ്റര്‍ ശില്പ, ജില്ലാ മാസ് മീഡിയാ ഓഫീസര്‍ കെ. ദേവ് എന്നിവര്‍ സംസാരിച്ചു.