നെടുമ്പാശ്ശേരി: നെടുമ്പാശ്ശേരി അന്താരാഷ്ട്ര വിമാനത്താവളത്തില്‍ വിമാനത്തിന്റെ ടോയ്‌ലറ്റില്‍ നിന്നും 3.500 കിലോഗ്രാം സ്വര്‍ണം പിടികൂടി. ഇന്ന് പുലര്‍ച്ചെ ദുബായിയില്‍ നിന്നും നെടുമ്പാശ്ശേരിയിലെത്തിയ ഇന്‍ഡിഗോ വിമാനത്തിന്റെ ടോയ്‌ലെറ്റിലാണ് സ്വര്‍ണം കണ്ടെത്തിയത്. കണ്ടെടുത്ത സ്വര്‍ണത്തിന് 90 ലക്ഷത്തിലേറെ രൂപ വില വരും.

സ്വര്‍ണം കൊണ്ടുവന്ന യാത്രക്കാരനെ കണ്ടെത്താന്‍ കഴിഞ്ഞിട്ടില്ല. കസ്റ്റംസ് ഉദ്യോഗസ്ഥര്‍ യാത്രക്കാരുടെ ലിസ്റ്റ് പരിശോധിച്ചുവരികയാണ്. വിശദമായ അന്വേഷണം ആരംഭിച്ചിട്ടുണ്ട്. ഗ്രൗണ്ട് ഹാന്‍ഡ്‌ലിങ് ജീവനക്കാര്‍ വഴി സ്വര്‍ണം പുറത്ത് കടത്താനായിരുന്നോ ലക്ഷ്യമിട്ടിരുന്നതെന്നും അന്വേഷിക്കുന്നുണ്ട്.