തൃശൂര്‍: ചന്ദ്രബോസ് വധക്കേസില്‍ കണ്ണൂര്‍ സെന്‍ട്രല്‍ ജയിലില്‍ തടവുശിക്ഷ അനുഭവിക്കുന്ന മുഹമ്മദ് നിസാം സഹോദരങ്ങളെ ഫോണ്‍ വിളിച്ച് ഭീഷണിപ്പെടുത്തിയെന്ന പരാതിയിന്മേല്‍ സ്‌പെഷ്യല്‍ ബ്രാഞ്ച് ഡിവൈ.എസ്.പി സുരേഷ് കുമാറാണ് അന്വേഷിക്കുന്നത്. തങ്ങളെ ഫോണ്‍ വിളിച്ച് ഭീഷണിപ്പെടുത്തിയെന്ന സഹോദരങ്ങളുടെ പരാതിയിന്മേലാണ് കേസെടുത്തിരിക്കുന്നത്.

പരാതിയിന്മേല്‍ അന്വേഷണം തുടങ്ങിയ അന്വേഷണസംഘം നിസാമിന്റെ സഹോദരങ്ങളില്‍ നിന്നും മൊഴിയെടുത്തു. നിസാം രണ്ടു തവണ ഫോണില്‍ വിളിച്ച് ഭീഷണിപ്പെടുത്തിയതായി സഹോദരങ്ങള്‍ പരാതി നല്‍കിയിരുന്നു. സഹോദരങ്ങളായ അബ്ദുല്‍ റസാഖ്, അബ്ദുല്‍ നിസാര്‍ എന്നിവരുടെ മൊഴി രേഖപ്പെടുത്തി. നിസാം ഭീഷണിപ്പെടുത്തിയെന്ന നിലപാടിലുറച്ചാണ് സഹോദരങ്ങള്‍ മൊഴി നല്‍കിയിരിക്കുന്നത്.

സംഭവത്തോടനുബന്ധിച്ച് നിസാമിന്റെ സുഹൃത്ത് ഷിബിനെ നാളെ ചോദ്യം ചെയ്യും.