തൊടുപുഴ: എസ്. എന്‍.ഡി.പി.യോഗം ആരുടെയും ചൂലും വാലുമല്ലെന്ന് യോഗം ജനറല്‍ സെക്രട്ടറി വെള്ളാപ്പള്ളി നടേശന്‍. എസ്.എന്‍.ഡി.പി തൊടുപുഴ യൂനിയന്റെ കീഴിലുള്ള ഗുരുനാരായണ കോളജ് ഒഫ് ആര്‍ട്‌സ് ആന്റ് സയന്‍സിന്റെ മന്ദിരോദ്ഘാടനം പടിഞ്ഞാറേ കോടിക്കുളത്ത് നിര്‍വഹിക്കുകയായിരുന്നു അദ്ദേഹം.   ഭരണത്തിലിരിക്കുന്നവര്‍ ആരും തങ്ങളെ സഹായിച്ചിട്ടില്ല.  സംഘടനാ നേതാക്കളും സഹായിച്ചിട്ടില്ല. സ്വസമുദായക്കാരാണ് കാലന്മാര്‍. പലരും പല രീതിയില്‍ തന്നെ അധിക്ഷേപിക്കാന്‍ ശ്രമിക്കുന്നുണ്ട്. ചിലര്‍ ചാനല്‍ ചര്‍ച്ചയില്‍ യോഗത്തിനെതിരേ പറഞ്ഞ് നടക്കുന്നുണ്ട്. അവര്‍ അത് പറഞ്ഞോട്ടെയെന്നും വെള്ളാപ്പള്ളി പറഞ്ഞു.