പൂനെ:മറാഠി നടിയും നര്‍ത്തകിയുമായ അശ്വനി എക്‌ബോദ്(44)സ്‌റ്റേജ് ഷോയ്ക്കിടെ ഹൃദയാഘാതം മൂലം മരിച്ചു. കഴിഞ്ഞ ദിവസം പൂനെയിലെ ഭരത് നാട്യ മന്ദിറില്‍ സ്റ്റേജ് ഷോ നടത്തുന്നതിനിടയിലാണ് ഹൃദയാഘാതം അനുഭവപ്പെട്ടത്. തുടര്‍ന്ന് സ്റ്റേജില്‍ കുഴഞ്ഞുവീണ അശ്വനിയെ ഉടന്‍ അടുത്തുള്ള ആശുപത്രിയില്‍ എത്തിച്ചെങ്കിലും മരിച്ചിരുന്നു. നിരവധി മറാഠി സിനിമകളിലും സീരിയലുകളിലും അഭിനയിച്ചിട്ടുണ്ട്. പൂനെയിലെ റേഡിയോ ടെക്‌നീഷ്യനായ പ്രമോദ് എക്‌ബോദ് ആണ് ഭര്‍ത്താവ്. മകന്‍: സുധാകര്‍ എക്‌ബോദ്.