താമരശ്ശേരി: പട്ടികജാതി വിഭാഗത്തിലെ വിദ്യാര്‍ഥികള്‍ക്കുള്ള ഗ്രാന്റ് തിരിമറി നടത്തിയെന്ന പരാതിയില്‍ കോരങ്ങാട് ജി.എല്‍.പി സ്‌കൂള്‍ പ്രധാനാധ്യാപികക്കെതിരേ പൊലിസ് കേസെടുത്തു.
പി.ടി.എ അംഗമായ സക്കീര്‍ ഹുസൈന്‍  താമരശ്ശേരി പൊലിസില്‍ പരാതി നല്‍കിയിരുന്നെങ്കിലും നടപടിയുണ്ടണ്ടാവാത്തതിനെ തുടര്‍ന്ന് താമരശ്ശേരി ജുഡിഷ്യല്‍ ഫസ്റ്റ്ക്ലാസ് മജിസ്‌ട്രേറ്റ് കോടതിയെ സമീപിക്കുകയായിരുന്നു. 2015 -16 അധ്യയനവര്‍ഷത്തില്‍ 22 പട്ടികജാതി വിഭാഗത്തില്‍പ്പെട്ട വിദ്യാര്‍ഥികള്‍ക്കു സര്‍ക്കാര്‍ അനുവദിച്ച 2000 രൂപ ഗ്രാന്റില്‍ നിന്നും 400 രൂപ പിടിച്ചുവച്ച് 1600 രൂപവീതമാണ് വിതരണം ചെയ്തത്.
 ഇതുസംബന്ധിച്ച് നേരത്തെ പരാതി ഉയര്‍ന്നതിനെ തുടര്‍ന്ന് ഉപജില്ലാ വിദ്യാഭ്യാസ ഓഫിസര്‍ അന്വേഷണം നടത്തി റിപ്പോര്‍ട്ട് നല്‍കിയിരുന്നു.
എ.ഇ.ഒയുടെ റിപ്പോര്‍ട്ട്  ആധാരമാക്കിയുള്ള തെളിവുകളാണ് അന്യായക്കാരന്‍ കോടതിയില്‍ നല്‍കിയത്.