പരപ്പനങ്ങാടി: പൊന്തക്കാടുകളെക്കൊണ്ടും പ്ലാസ്റ്റിക്ക് സാധനങ്ങള്‍ മറ്റു ചപ്പു ചവറുകളെക്കൊണ്ടും മലിനമായ ചിറമംഗലം  റെയിവെ ഓവുപാലം പരിസരം വൃത്തിയാക്കി യുവാക്കളുടെ മാതൃകാ പ്രവര്‍ത്തനം. ചിറമംഗലം സൗത്ത് മേഖലാ മുസ്‌ലിംയൂത്ത് ലീഗ് പ്രവര്‍ത്തകരുടെ നേതൃത്വത്തിലാണ്  റെയില്‍വേ പാളങ്ങളുടെ ഇരുവശങ്ങളും മറ്റു ജനവാസസ്ഥലങ്ങളും വ്യത്തിയാക്കിയത്.
കാടുമൂടിയതിനാല്‍ വിദ്യാര്‍ഥികളടക്കമുള്ള കാല്‍നടയാത്രക്കാര്‍ക്കും മറ്റും ഇതിലൂടെ യാത്ര ചെയ്യുക ദുരിതമായിരുന്നു. യൂനസ്, കെ.കെ ശറഫുദ്ദീന്‍, പി.പി നൗഫല്‍, എം.കെ മന്‍സൂര്‍, പി.പി ജാബിര്‍, എ സലാം നേതൃത്വംനല്‍കി.