കിഴിശ്ശേരി: പൊതു വിദ്യാഭ്യാസത്തെ ശക്തിപ്പെടുത്താന്‍ രക്ഷിതാക്കള്‍ കുട്ടികളെ സര്‍ക്കാര്‍ എയ്ഡഡ് വിദ്യാലയങ്ങളില്‍ ചേര്‍ക്കാന്‍ തയാറാവണമെന്നു പി.കെ ബഷീര്‍ എം.എല്‍.എ. കുഴിയംപറമ്പ് കുഴിമണ്ണ ഗവ. എല്‍.പി സ്‌കൂളില്‍ സ്മാര്‍ട്ട് ക്ലാസ് റൂം ഉദ്ഘാടനം ചെയ്യുകയായിരുന്നു അദ്ദേഹം. എം.എല്‍.എയുടെ ആസ്തി വികസന ഫണ്ടില്‍ നിന്നും അനുവദിച്ച രണ്ടുലക്ഷം രൂപ ചെലവില്‍ നിര്‍മിച്ചതാണു സ്മാര്‍ട്ട് ക്ലാസ് റൂം.
കുഴിമണ്ണ പഞ്ചായത്ത് പ്രസിഡന്റ് ബാലത്തില്‍ ബാപ്പു അധ്യക്ഷനായി. പ്രഥമാധ്യാപകന്‍ ജോണി തോമസ് റിപ്പോര്‍ട്ട് അവതരിപ്പിച്ചു.
പുല്‍പറ്റ പഞ്ചായത്ത് പ്രസിഡന്റ് സി.എച്ച് സൈനബ, കുഴിമണ്ണ പഞ്ചായത്ത് വിദ്യാഭ്യാസ സ്ഥിരംസമിതി അധ്യക്ഷന്‍ പുളിക്കല്‍ മുഹമ്മദ്, വാര്‍ഡ് മെമ്പര്‍ സക്കീന ബാവ, ബി.പി.ഒ ടി.കെ ബാബുരാജ്, പി.ടി.എ പ്രസിഡന്റ് ബാവ വിസപ്പടി, കെ.എ റസാഖ് ഹാജി, പി.കെ വീരാന്‍കുട്ടി, ടി. അബ്ദുറഹ്മാന്‍, റഷീദ് മാസ്റ്റര്‍, ഹുസൈന്‍ മാസ്റ്റര്‍, മൈമൂന ടീച്ചര്‍, ആശ ടീച്ചര്‍, ശോഭ ടീച്ചര്‍ സംസാരിച്ചു.