തലശ്ശേരി: ജോലി കഴിഞ്ഞു വീട്ടിലേക്കു പോവുകയായിരുന്ന യുവാവിനെ തടഞ്ഞു നിര്‍ത്തി ദേഹപരിശോധന നടത്തുകയും സ്റ്റേഷനില്‍ കൊണ്ടുപോയി മര്‍ദിക്കുകയും ചെയ്തുവെന്ന സംഭവത്തില്‍ പൊലിസ് മൊഴിയെടുത്തില്ലെന്നു പരാതി. മാഹിയിലെ മൊബൈല്‍ ഷോപ്പുടമ കതിരൂര്‍ നായനാര്‍ റോഡിന് സമീപത്തെ ' തമനയില്‍ അഫ് റോസ് (24)നെയാണ് കതിരൂര്‍ പൊലിസ് മര്‍ദിച്ചതായി പരാതി ഉയര്‍ന്നിരുന്നത്. വ്യാഴാഴ്ച രാത്രി 11 മണിയോടെയാണു സംഭവം.
പരുക്കേറ്റ് ആശുപത്രിയില്‍ കഴിയുന്ന യുവാവില്‍ നിന്ന് നാലു ദിവസമായിട്ടും പോലീസ് ഇത് വരെ മൊഴിയെടുത്തിട്ടില്ലെന്നാണു പരാതി.
ഇത് സംബന്ധിച്ച് ബന്ധുക്കള്‍ മനുഷ്യാ വകാശ കമ്മിഷനു പരാതി നല്‍കാനും സ്വകാര്യ അന്യായം ഫയല്‍ ചെയ്യാനും തീരുമാനിച്ചിട്ടുണ്ട്.