കുന്ദമംഗലം: തന്റെ കൈയ്യില്‍ ഒഴുക്കാന്‍ പണമില്ലെന്ന് യു.ഡി.എഫ് സ്ഥാനാര്‍ഥി അഡ്വ. ടി സിദ്ദിഖ് ഫേസ് ബുക്ക് പോസ്റ്റില്‍ കുറിച്ചു.
ഇടതു സ്ഥാനാര്‍ഥി പണം നല്‍കി വോട്ടര്‍മാരെ സ്വാധീനിക്കാന്‍ ശ്രമിച്ചുവെന്ന ആരോപണത്തിന്റെ  സാഹചര്യത്തിലാണ്  ഈ പോസ്റ്റ്.
കുന്ദമംഗലം മണ്ഡലത്തിലെ ഇടതുപക്ഷ സ്ഥാനാര്‍ഥി വ്യാപകമായി പണം നല്‍കി വോട്ട് വാങ്ങുകയാണ്. എന്റെ കയ്യില്‍ വോട്ടിന് പകരം നല്‍കാന്‍ പണമില്ല. ഉണ്ടെങ്കില്‍ത്തന്നെ ജനാധിപത്യ സംവിധാനത്തെ പണമപയോഗിച്ച് തകര്‍ക്കാന്‍ ഞാന്‍ തയ്യാറല്ല. തേജോവധ രാഷ്ട്രീയവും ജനങ്ങളുടെയടുത്ത് വിലപോകാതെ വന്നപ്പോഴാണ് പണം നല്‍കി വോട്ടു വാങ്ങുക എന്ന രീതിയിലേക്ക് ഇടതുപക്ഷ സ്ഥാനാര്‍ഥി എത്തിയിരിക്കുന്നത്. എന്റെ നിയോജക മണ്ഡലത്തിലെ പ്രബുദ്ധരായ വോട്ടര്‍മാര്‍ കൊടുവള്ളിയിലെ പണത്തിന്റെ തുലാസില്‍ ആടുന്നവരല്ല എന്ന വിശ്വാസമെനിക്കുണ്ട്. അതിനുളള തെളിവാണ് ഇപ്പോള്‍ പുറത്ത് വന്നിരിക്കുന്നതെന്നും പോസ്റ്റില്‍ പറയുന്നു.