ന്യൂഡല്‍ഹി: ലൈംഗിക പീഡനക്കേസില്‍ ദി എനര്‍ജി ആന്‍ഡ് റിസോഴ്‌സസ് ഇന്‍സ്റ്റിറ്റ്യൂട്ട് (ടെറി) മുന്‍ മേധാവി ആര്‍.കെ പച്ചൗരിക്ക് ഡല്‍ഹി കോടതി സമന്‍സ് അയച്ചു.

ടെറിയിലെ പച്ചൗരിയുടെ മുന്‍ സഹപ്രവര്‍ത്തക സമര്‍പ്പിച്ച പരാതിയിലാണ് നടപടി. ജൂലൈ 11ന് പച്ചൗരി നേരിട്ട് ഹാജരാവണമെന്ന് മെട്രോപൊളിറ്റന്‍ മജിസ്‌ട്രേറ്റ് ശിവാനി ചൗഹാന്‍ പറഞ്ഞു. പരാതിയിന്മേല്‍ പച്ചൗരിക്കെതിരെ ഇന്ത്യന്‍ ശിക്ഷാ നിയമം 341, 354 (എ), (ബി), (ഡി), 509 എന്നീ വകുപ്പുകള്‍ ചേര്‍ത്ത് കുറ്റപത്രം തയ്യാറാക്കിയിരുന്നു.