പയ്യന്നൂര്‍: സമാധാനത്തിനു വേണ്ടി പുറമെ വാചാലമാകുന്ന ആര്‍.എസ്.എസ് നേതൃത്വം കണ്ണൂരില്‍ സമാധാനത്തിനായി സഹകരിക്കുന്നില്ലെന്നു കോടിയേരി ബാലകൃഷ്ണന്‍. പയ്യന്നൂരില്‍ ടി ഗോവിന്ദന്‍ അനുസ്മരണവും സി.പി.എം വടക്കന്‍ മേഖലാ ജാഥയും ഉദ്ഘാടനം ചെയ്യുകയായിരുന്നു കോടിയേരി. സമാധാന ശ്രമങ്ങള്‍ക്ക് തയാറാണെന്ന് മുഖ്യമന്ത്രി നിയമസഭയില്‍ പറഞ്ഞതാണ്. യാതൊരു അക്രമ സംഭവങ്ങളുമുണ്ടാകരുതെന്ന് മുഖ്യമന്ത്രി അഭ്യര്‍ഥിച്ചതുമാണ്. അതിനു ശേഷമാണ് കൂത്തുപറമ്പ് ബ്ലോക്ക് പഞ്ചായത്ത് പ്രസിഡന്റ് അശോകന്റെ വീടിനു ആര്‍.എസ്.എസ് ബോംബെറിഞ്ഞത്. കേരളം കലാപഭൂമിയായിയെന്നു പ്രചരിപ്പിക്കാന്‍ ആര്‍.എസ്.എസ് ബോധപൂര്‍വം ശ്രമിക്കുകയാണെന്നും കോടിയേരി പറഞ്ഞു. മഹാദേവ ഗ്രാമത്തില്‍ ജാഥാ ക്യാപ്റ്റന്‍ എം.വി ജയരാജന് കൊടിയേരി പതാക കൈമാറി