കുന്‍ഷാന്‍ (ചൈന): തോമസ് ആന്‍ഡ് യൂബര്‍ കപ്പ് അന്താരാഷ്ട്ര ബാഡ്മിന്റണ്‍ ടൂര്‍ണമെന്റിനു ഇന്നു തുടക്കം. കഴിഞ്ഞ തവണ വെങ്കലം നേടിയ ഇന്ത്യ ഇത്തവണയും മികച്ച പ്രകടനം നടത്താമെന്ന പ്രതീക്ഷയിലാണ്. സൈന നേഹ്‌വാളടക്കമുള്ള പ്രമുഖ താരങ്ങളെല്ലാം ടൂര്‍ണമെന്റില്‍ ഇന്ത്യയെ പ്രതിനിധീകരിച്ച് കളത്തിലിറങ്ങും. ഏഷ്യ, യൂറോപ്, പാന്‍ അമേരിക്ക, ഓഷ്യാനിയ, ആഫ്രിക്ക വന്‍കരകളില്‍ നിന്നു പ്രമുഖ രാജ്യങ്ങള്‍ ടൂര്‍ണമെന്റില്‍ മാറ്റുരയ്ക്കും. തോമസ്, യൂബര്‍ കപ്പുകളില്‍ ഇന്ത്യയടക്കം 16 ടീമുകളാണുള്ളത്. ഇന്നു മുതല്‍ 22 വരെയാണ് ടൂര്‍ണമെന്റ്.