തൃപ്രയാര്‍: തൃപ്രയാര്‍ ഏകാദശിയോടനുബന്ധിച്ചുള്ള 35 ദിവസത്തെ നിറമാല വിളക്കിനു തുടക്കമായി. ആദ്യത്തെ നിറമാലവിളക്ക് ദേവസ്വം സ്റ്റാഫിന്റേതാണ്. പഞ്ചവാദ്യവും ഉണ്ടായിരിക്കും. കലാ സാംസ്‌കാരിക പരിപാടികള്‍ നവംബര്‍ 14ന് ആരംഭിക്കും. സംഗീതോത്സവം, നൃത്തോത്സവം എന്നിവയില്‍ പങ്കെടുക്കുന്നവരുടെ അപേക്ഷ സ്വീകരിക്കുന്ന അവസാന തീയതി നവംബര്‍ അഞ്ചാണ്. സംഗീതകച്ചേരിയും സംഗീത സദസും കഥകളി തുടങ്ങി വിവിധ നൃത്ത സംഗീത പരിപാടികളും ഏകാദശിയോടനുബന്ധിച്ച് ഉണ്ടായിരിക്കും. ഏകാദശിനാളിലെ രാവിലെയുള്ള പഞ്ചാരിമേളം കിഴക്കൂട്ട് അനിയന്‍മാരാര്‍ നയിക്കും.