വടക്കാഞ്ചേരി: ബിരുദധാരികള്‍ക്കും വിദ്യാര്‍ഥികള്‍ക്കും പുതിയ ദിശാബോധം നല്‍കുക എന്ന ലക്ഷ്യത്തോടെ ലയണ്‍സ് ക്ലബ് ആവിഷ്‌കരിച്ചു നടപ്പിലാക്കുന്ന ഡിസൈന്‍ യു വിഷന്‍ പരിശീലനം നടന്നു. തൊഴിലധിഷ്ഠിത സംരംഭങ്ങളില്‍ ബിരുദധാരികള്‍ക്ക് പ്രാവീണ്യം ലഭ്യമാക്കുക എന്ന ലക്ഷ്യത്തോടെയായിരുന്നു പരിശീലനം. വടക്കാഞ്ചേരി സി.ഐ ടി.എസ് സിനോജ് ഉദ്ഘാടനം ചെയ്തു. ലയണ്‍സ് പ്രസിഡന്റ് സുഭാഷ് പുഴയ്ക്കല്‍ അധ്യക്ഷനായി. പ്രൊജക്ട് അഡൈ്വസര്‍ സി. സുധീര്‍കുമാര്‍ മുഖ്യ പ്രഭാഷണം നടത്തി. യു. കരുണാകരന്‍, തോമാസ് തരകന്‍, തോമാസ് ചിറ്റിലപ്പിള്ളി, കെ. മണികണ്ഠന്‍, സന്തോഷ് വരവൂര്‍, രാംകുമാര്‍, റാഹിദ്, കെ.എം ഉണ്ണികൃഷ്ണന്‍ എന്നിവര്‍ പ്രസംഗിച്ചു. ഡോ. മഹാദേവന്‍പിള്ള ക്ലാസെടുത്തു.