കൊല്ലം: പത്തനാപുരം മണ്ഡലത്തിലെ ഇടതു സ്ഥാനാര്‍ഥി കെ.ബി ഗണേഷ് കുമാറിന് വേണ്ടി വോട്ടഭ്യര്‍ഥിച്ച് ചലച്ചിത്ര നടന്‍ നിവിന്‍ പോളി വീഡിയോ പോസ്റ്റ് ചെയ്തു.
പത്തനാപുരത്ത് വരണമെന്ന് അതിയായ ആഗ്രഹമുണ്ടായിരുന്നുവെന്നും ചില തിരക്കുകള്‍ കാരണം അത് സാധിച്ചില്ലെന്നുമുള്ള ആമുഖത്തോടെയാണ് നിവിന്റെ വീഡിയോ തുടങ്ങുന്നത്.

ഫേസ്ബുക്കിലാണ് നിവിന്റെ വോട്ടഭ്യര്‍ഥന. ഗണേഷിന് പിന്തുണ തേടി പത്തനാപുരത്തെത്തിയ മോഹന്‍ലാലിന്റെ നടപടി ചലച്ചിത്ര ലോകത്ത് സമ്മിശ്ര പ്രതികരണമുണ്ടാക്കിയതിന് പിന്നാലെ ഗണേഷിനുവേണ്ടി വോട്ടുതേടി ദിലീപും മണ്ഡലത്തിലെത്തിയിരുന്നു. ഇതിന് പിന്നാലെയാണ് നിവിന്‍ പോളി വിഡിയോ പോസ്റ്റ് ചെയ്തത്.