പാലക്കാട്: മദ്യം, മയക്കുമരുന്ന് ദുരുപയോഗങ്ങള്‍ക്കെതിരെയും സൈബര്‍ കുറ്റകൃത്യങ്ങള്‍ക്കെതിരെയുമുളള ബോധവല്‍കരണപ്രവര്‍ത്തനങ്ങള്‍ക്കായി സംസ്ഥാന യുവജന കമ്മീഷന്‍ സംസ്ഥാനതലത്തില്‍ സന്നദ്ധപ്രവര്‍ത്തകരെ (യൂത്ത് ഡിഫന്‍സ് ഫോഴ്‌സ്) തിരഞ്ഞെടുക്കുന്നു.പാലക്കാട്, മലപ്പുറം, കോഴിക്കോട്, വയനാട്, കണ്ണൂര്‍, കാസര്‍കോട് ജില്ലകളിലുള്ളവര്‍ക്ക് 28ന് രാവിലെ 11ന് കോഴിക്കോട് സിവില്‍ സ്‌റ്റേഷന്‍ താലൂക്ക് സമ്മേളന ഹാളിലാണ് അഭിമുഖം.കോളജ് തലത്തിലും പട്ടികജാതി-വര്‍ഗ പിന്നാക്ക മേഖലകളുമാവും പ്രവര്‍ത്തന മേഖല. കോളജ്തല ബോധവല്‍കരണ പ്രവര്‍ത്തനങ്ങള്‍ക്ക് ഡിഗ്രിയും, പട്ടികജാതിവര്‍ഗ പിന്നാക്കമേഖലകളിലെ പ്രവര്‍ത്തനങ്ങള്‍ക്ക് പ്ലസ്ടുവുമാണ് യോഗ്യത. മുന്‍ വര്‍ഷങ്ങളില്‍ മികച്ച പ്രവര്‍ത്തനം നടത്തിയവോളന്റിയര്‍മാര്‍ക്ക് മുന്‍ഗണന.
ജില്ലാതലത്തില്‍ യഥാക്രമം മൂന്നും രണ്ടും വീതം വോളന്റിയര്‍മാരുടെ ഒഴിവിലേക്കാണ് നിയമനം. പ്രായപരിധി 18നും 40നും മധ്യേ. താത്പര്യമുളളവര്‍ പാസ്‌പോര്‍ട്ട് സൈസ് ഫോട്ടോ പതിച്ച അപേക്ഷ, യോഗ്യതാ സര്‍ട്ടിഫിക്കറ്റുകളുടെ അസ്സല്‍, പകര്‍പ്പ് എന്നിവ സഹിതം അഭിമുഖത്തിന് എത്തണം. തിരഞ്ഞെടുക്കപ്പെടുന്നവര്‍ക്ക് 5000 രൂപയും പരിപാടികളുടെ സംഘാടത്തിന് വൊളന്റിയര്‍മാര്‍ക്ക് കോളജ്തലത്തില്‍ 1500 രൂപയും പട്ടികജാതി-വര്‍ഗ പിന്നാക്ക മേഖലകളിലുളളവര്‍ക്ക് 2500 രൂപയും നല്‍കും. 2017 മാര്‍ച്ച് 31 വരെയാണ് നിയമനം.