പേരൂര്‍ക്കട: സഹോദരിയെ റോഡിലിട്ട് ആക്രമിച്ച് പരുക്കേല്‍പ്പിച്ച കേസിലെ പ്രതി അറസ്റ്റില്‍. കാഞ്ഞിരംപാറ കോളനി സ്വദേശി ഏട്ട് ജയന്‍ എന്നുവിളിക്കുന്ന ജയന്‍ (45) ആണ് അറസ്റ്റിലായത്.
നാലു ദിവസത്തിനു മുന്‍പായിരുന്നു കേസിനാസ്പദമായ സംഭവം. കാഞ്ഞിരംപാറ കോളനിയില്‍ അടുത്തടുത്ത വീടുകളില്‍ താമസിക്കുന്ന ഇവര്‍ തമ്മില്‍ വ്യക്തിവിരോധം ഉണ്ടായിരുന്നു. ഇതിന്റെ ചുവടുപിടിച്ചായിരുന്നു ആക്രമണം. കോളനിക്കുസമീപം റോഡിലിട്ട് അസഭ്യം പറയുകയും ചവിട്ടുകയും ചെയ്തുവെന്നാണ് വട്ടിയൂര്‍ക്കാവ് പൊലിസില്‍ നല്‍കിയ പരാതിയില്‍ പറയുന്നത്. നിരവധി ക്രിമിനല്‍ക്കേസുകളിലെ പ്രതിയായ ജയന്‍ മുമ്പും ജയില്‍ശിക്ഷ അനുഭവിച്ചിട്ടുണ്ട്. സംഭവത്തിനുശേഷം ഒളിവില്‍പ്പോയ പ്രതി പിന്നീട് സ്റ്റേഷനില്‍ കീഴടങ്ങുകയായിരുന്നു. കോടതിയില്‍ ഹാജരാക്കിയ ഇയാളെ റിമാന്‍ഡ് ചെയ്തു.