കോഴിക്കോട്: മുസ്‌ലിം യൂത്ത് ലീഗ് സംസ്ഥാന സമ്മേളനത്തിന്റെ മുന്നോടിയായി ഒക്‌ടോബര്‍ 28ന് ഉച്ചക്ക് 2.30ന് കണ്ണൂര്‍ ചേമ്പര്‍ ഹാളില്‍ ഫാസിസം, ദേശീയത, തീവ്രവാദം എന്ന വിഷയത്തില്‍ സെമിനാര്‍ സംഘടിപ്പിക്കും.
ഹൈദരാബാദ് യൂനിവേഴ്‌സിറ്റിയില്‍ ദലിത് പീഡനത്തെ തുടര്‍ന്ന് ആത്മഹത്യ ചെയ്ത രോഹിത് വെമുലയുടെ  സുഹൃത്തും യൂനിവേഴ്‌സിറ്റി വൈസ് ചാന്‍സലറില്‍നിന്നും ഡോക്ടറേറ്റ് ഏറ്റുവാങ്ങാതെ പ്രതിഷേധിക്കുകയും ചെയ്ത ഡോ. ശുങ്കണ്ണ വേല്‍പ്പുല സെമിനാര്‍ ഉദ്ഘാടനം ചെയ്യും.
മുസ്‌ലിം ലീഗ് സംസ്ഥാന വൈസ് പ്രസിഡന്റ് എം.ഐ. തങ്ങള്‍ വിഷയമവതരിപ്പിക്കും. കെ.പി.സി.സി സെക്രട്ടറി സതീശന്‍ പാച്ചേനി, കെ.എസ്. ഹരിഹരന്‍, സിവിക് ചന്ദ്രന്‍, അഡ്വ. കെ.എന്‍.എ. ഖാദര്‍, പ്രശസ്ത ഡോക്യുമെന്ററി ഡയറക്ടര്‍ ഗോപാല്‍ മേനോന്‍ തുടങ്ങിയവര്‍  സംബന്ധിക്കും.