പൊന്നാനി: ട്രാഫിക് നിയമലംഘനങ്ങള്‍ വര്‍ധിച്ച ചമ്രവട്ടം ജങ്ഷനില്‍ നിയമങ്ങള്‍ ലംഘിക്കുന്നവരെ പിടികൂടാന്‍ ഇനി കാമറക്കണ്ണുകളും. ദേശീയപാതയും സംസ്ഥാനപാതയും സംഗമിക്കുന്ന പൊന്നാനി ചമ്രവട്ടം ജങ്ഷനില്‍ ട്രാഫിക്  നിയമങ്ങള്‍ ലംഘിക്കുന്നത് പതിവായതോടെയാണ് കാമറകള്‍ സ്ഥാപിക്കാന്‍ പൊലിസ് രംഗത്തെത്തിയത്. പുതിയ ദേശീയപാത നിര്‍മിച്ചതിനെ തുടര്‍ന്നാണ് ട്രാഫിക് സിഗ്‌നല്‍ സംവിധാനം സ്ഥാപിച്ചത്. എന്നാല്‍ ട്രാഫിക് സിഗ്‌നലുകള്‍ ലംഘിച്ച് കൊണ്ട് വാഹനങ്ങള്‍ ചീറിപ്പായുന്നത് പതിവായിരിക്കുകയാണ്. പലപ്പോഴും ഇത് അപകടങ്ങള്‍ക്കും കാരണമായിട്ടുണ്ട്.
  പല തവണ മുന്നറിയിപ്പ്  ബോര്‍ഡുകള്‍ സ്ഥാപിച്ചിട്ടും നിയമലംഘനത്തിന് അറുതിവരാത്തതിനെ തുടര്‍ന്നാണ് കാമറകള്‍ സ്ഥാപിക്കാന്‍  തീരുമാനിച്ചത്. ഇതിന്റെ മുന്നോടിയായി ടെക്‌നിക്കല്‍ സംഘം സ്ഥലത്തെത്തി പരിശോധന നടത്തി