എടപ്പാള്‍: ഉപജില്ലാ ശാസ്‌ത്രോത്സവത്തിന് തുടക്കമായി. പോട്ടൂര്‍ മോഡണ്‍ ഹയര്‍സെക്കന്‍ഡറി സ്‌കൂളില്‍ നടക്കുന്ന ശാസ്ത്രമേള തിരൂര്‍ സബ്കലക്ടര്‍ ഡോ. അദീല അബ്ദുള്ള ഐ.എ.എസ് ഉദ്ഘാടനം ചെയ്തു. വട്ടംകുളം പഞ്ചായത്ത് പ്രസിഡന്റ് ശ്രീജപാറക്കല്‍ അധ്യക്ഷയായി. പ്രിന്‍സിപ്പല്‍  എ.വി.സുഭാഷ്,എഇഒ കെ.കെ.സൈദാബി, ജില്ലാ പഞ്ചായത്ത് അംഗം ദേവികുട്ടി, എം.എ നവാബ്, പത്തില്‍ അഷറഫ്, കെ.കെ മനോജ്, സി.എസ് മോഹന്‍ദാസ്, പന്നിക്കോട്ട് രവികുമാര്‍, ഹസ്സന്‍ മൗലവി സംസാരിച്ചു.
ഗണിത ശാസ്ത്രമേള, ഐടി മേള, സാമൂഹ്യ ശാസ്ത്ര മേള, പ്രവൃത്തി പരിചയേേമള ശാസ്ത്ര പ്രദര്‍ശനം എന്നീ വിഭാഗങ്ങളില്‍ നിന്നായി 3,500 കുട്ടികള്‍ ശാസ്ത്രമേളയില്‍  പങ്കെടുക്കുന്നു.സമാപന ദിവസം നടക്കുന്ന സമ്മേളനം ദേശീയ ന്യൂനപക്ഷ കമ്മിഷന്‍ സ്റ്റേറ്റ് കോഡിനേറ്റര്‍ ഡോ. സി.പി ബാവാഹാജി ഉദ്ഘാടനം ചെയ്യും.