മലപ്പുറം: ജനകീയ ഇടപെടലാണ് ജില്ലയിലെ പ്രതിരോധ ചികിത്സാരംഗം കൂടുതല്‍ കരുത്തുറ്റതാക്കിയതെന്നു ജില്ലാ മെഡിക്കല്‍ ഓഫിസര്‍ ഡോ. വി. ഉമ്മര്‍ ഫാറൂഖ്. റോട്ടറി ക്ലബിന്റെ ആഭിമുഖ്യത്തില്‍ കൊണ്ടോട്ടി മോയിന്‍കുട്ടി വൈദ്യര്‍ സ്മാരക ഓപ്പണ്‍ ഓഡിറ്റോറിയത്തില്‍ ലോക പോളിയോദിനം ജില്ലാതല ഉദ്ഘാടനം നിര്‍വഹിച്ചു സംസാരിക്കുകയായിരുന്നു അദ്ദേഹം.
പരിപാടിയോടനുബന്ധിച്ചു രോഗബാധിതരുടെ  സംഗമവും കലാവിരുന്നും നടത്തി. റോട്ടറി പ്രസിഡന്റ് പി.വി മുഹമ്മദ്  അധ്യക്ഷനായി. റോട്ടറി ജില്ലാ ഗവര്‍ണര്‍ നോമിനി ഡോ. ഇ.കെ ഉമ്മര്‍, ഡെപ്യൂട്ടി മാസ്മീഡിയ ഓഫിസര്‍ കെ.പി സാദിഖ് അലി, എഴുത്തുകാരി ശബ്‌ന പൊന്നാട്, നഗരസഭാംഗം  മുസ്തഫ പുലാശ്ശേരി, ഹംസ കാക്കു, പ്രോഗ്രാം കണ്‍വീനര്‍ എം. പ്രഭാകരന്‍, സി.ടി കുട്ടിഹസ്സന്‍, എ. അലിബാവ സംസാരിച്ചു.