കണ്ണൂര്‍: കൊലപാതക രാഷ്ട്രീയത്തില്‍ നിന്നു കണ്ണൂരിനെ രക്ഷിക്കണമെന്നാവശ്യപ്പെട്ട് കൊച്ചിയിലെ അഗേപ് ലൗവിങ് ഫീസ്റ്റ് മിനിസ്ട്രിയുടെ നേതൃത്വത്തില്‍ കണ്ണൂര്‍ അസംബ്ലീസ് ഓഫ് ഗോഡ് ചര്‍ച്ചില്‍ 100 മണിക്കൂര്‍ നീളുന്ന പ്രാര്‍ഥന തുടങ്ങി. ജയാഘോഷം-2016 കൂട്ടപ്രാര്‍ഥന പാസ്റ്റര്‍ എ.ഐ കുര്യന്‍ ഉദ്ഘാടനം ചെയ്തു. പാസ്റ്റര്‍ ഡെന്നിസ് സ്ഫടികം അധ്യക്ഷനായി. പാസ്റ്റര്‍ ജോര്‍ജ് ബെനഡിക്ട് വചനശുശ്രൂഷയ്ക്ക് നേതൃത്വം നല്‍കി. രാധാകൃഷ്ണന്‍ പിള്ള കൊല്ലം, ജോസഫ് ഷൈന്‍, വി.സി ഏബ്രഹാം, ഷിജു കുര്യന്‍ സംബന്ധിച്ചു. പ്രാര്‍ഥന 28ന് ഉച്ചയ്ക്ക് സമാപിക്കും. 29ന് സുവിശേഷ യോഗവും സംഗീതവിരുന്നും നടക്കും.