പേരാമ്പ്ര: ഐക്യ രാഷ്ട്രസഭാ ദിനത്തോടനുബന്ധിച്ച് ചങ്ങരോത്ത് എം.യു.പി സ്‌കൂള്‍ സോഷ്യല്‍ സയന്‍സ് ക്ലബിന്റെ നേതൃത്വത്തില്‍ സെമിനാര്‍ സംഘടിപ്പിച്ചു. പ്രധാനാധ്യാപകന്‍ കെ. കുഞ്ഞാലി ഉദ്ഘാടനം ചെയ്തു. 'ഐക്യ രാഷ്ട്രസഭയുടെ ചരിത്രവും ഉല്‍ഭവവും വളര്‍ച്ചയും' എന്ന വിഷയത്തില്‍ വിദ്യാര്‍ഥികളായ സന ഫാത്തിമ എ.സി, മുഹമ്മദ് റിജാസ് വി.പി, അര്‍ഷിദ സി.എ, റസ്‌വ വി.പി, നാഫിയ വി.കെ, മുഹ്‌സിന കെ എന്നിവര്‍ പ്രബന്ധമവതരിപ്പിച്ചു. യുസഫ് എം.കെ മോഡറേറ്ററായി. ശിഹാബ് കന്നാട്ടി, പി.പി രവീന്ദ്രന്‍, ടി.എം അസീസ്, കെ. റഷീദ്, എന്‍.സി അബ്ദുറഹ്മാന്‍, വി.എം ബാബു, എസ്. സുനന്ദ് സംസാരിച്ചു.