കട്ടാങ്ങല്‍: ചാത്തമംഗലം ദയാപുരം ആര്‍ട്‌സ് ആന്‍ഡ് സയന്‍സ് കോളജിന്റെ ആഭിമുഖ്യത്തില്‍ വര്‍ഷംതോറും നടത്തിവരാറുള്ള ഇന്റര്‍ കോളജിയറ്റ് ക്വിസ് മത്സരം   'ഇന്‍ഫോ ഫെസ്റ്റ് ' നാളെ കോളജ് ഹാളില്‍ നടക്കും. ക്വിസ് കേരള ആണു മത്സരം നയിക്കുന്നത്. ഒന്നും രണ്ടും മൂന്നും സ്ഥാനക്കാര്‍ക്ക് യഥാക്രമം 5000, 3000, 2000 രൂപയുടെ കാഷ് പ്രൈസും പ്രശസ്തിപത്രവും ലഭിക്കും.
കോഴിക്കോട് യൂനിവേഴ്‌സിറ്റിയുടെ കീഴിലുളള പ്രൊഫഷണല്‍ കോളജുകള്‍ ഉള്‍പ്പടെയുള്ള ടീമുകള്‍ക്ക് പങ്കെടുക്കാം. രണ്ട് അംഗങ്ങളുള്ള ടീം ആയാണു പ്രവേശനം. ഒരുസ്ഥാപനത്തില്‍ നിന്നും എത്ര  ടീമുകള്‍ക്കും മത്സരിക്കാം. സ്‌പോട്ട് രജിസ്‌ട്രേഷന്‍ നാളെ രാവിലെ 8.30ന് ആരംഭിക്കും. ഫോണ്‍: 8714241530, 9142333743.