പൂനൂര്‍: വിദ്യാര്‍ഥികളില്‍ ജൈവകൃഷി പ്രോത്സാഹിപ്പിക്കുന്നതിനും കൃഷിയില്‍ താല്‍പര്യം ജനിപ്പിക്കുന്നതിനും പൂനൂര്‍ ഗവ. ഹയര്‍സെക്കന്‍ഡറി സ്‌കൂളില്‍ കാര്‍ഷിക സെമിനാറും ജൈവകൃഷിയില്‍ പരിശീലനവും സംഘടിപ്പിച്ചു. വിദ്യാര്‍ഥികള്‍ക്ക് പച്ചക്കറി വിത്തുകളും വിതരണം ചെയ്തു. സ്‌ക്കൂളിലെ പൂര്‍വ വിദ്യാര്‍ത്ഥിയും അവാഡ് ജേതാവുമായ മാധ്യമപ്രവര്‍ത്തകന്‍ രവി മങ്ങാടിനെ യോഗത്തില്‍ അനുമോദിച്ചു.
    ഉണ്ണികുളം ഗ്രാമപഞ്ചായത്ത് മെമ്പര്‍ കെ.പി സക്കീന ഉദ്ഘാടനം ചെയ്തു. എ.പി. മുഹമ്മദ് ജാഫര്‍ അദ്ധ്യക്ഷനായി. എ. ഫൈസല്‍ മുഖ്യപ്രഭാഷണം നടത്തി. വിദ്യാര്‍ഥികളും പൂന്തോട്ടനിര്‍മ്മാണവും എന്ന വിഷയത്തില്‍ സിറാജുദ്ദീന്‍ പന്നിക്കോട്ടൂരും അക്വേറിയം ഒരുക്കല്‍ എന്ന വിഷയത്തില്‍ എം.എസ് ഉന്‍മേഷും കൃഷിയില്‍ ആയുര്‍വേദത്തിന്റെ പ്രാധാന്യം എന്ന വിഷയത്തില്‍ ഉണ്ണികുളം അസിസ്റ്റന്റ് അഗ്രിക്കള്‍ചറല്‍ ഓഫിസര്‍ വി.എസ്. മുഹമ്മദ് ഫാസിലും ക്ലാസ്സ് എടുത്തു. ജൈവകര്‍ഷകനായ എന്‍.കെ മൊയ്തീന്‍ ഹാജി കൃഷിയനുഭവങ്ങള്‍ പങ്കുവച്ചു. പ്രിന്‍സിപ്പല്‍ റെന്നിജോര്‍ജ്ജ്, എ.വി മുഹമ്മദ്, എം. മുഹമ്മദ് അഷ്‌റഫ്, ഷിജ്‌ന പോള്‍, കെ. അബ്ദുല്‍ ലത്തീഫ് എം.പി മുഹമ്മദ് റയ്യാന്‍, അഖിന്‍ദാസ്, നാച്വര്‍ ക്ലബ്ബ് കണ്‍വീനര്‍ ടി.പി മുഹമ്മദ് ബഷീര്‍, കാര്‍ഷിക ക്ലബ്ബ് കണ്‍വീനര്‍ കെ. മുഹമ്മദ് സംസാരിച്ചു.