എയര്‍ ഇന്ത്യയില്‍ ട്രെയിനി കാബിന്‍ ക്രൂ ഒഴിവിലേക്ക് അപേക്ഷ ക്ഷണിച്ചു. ആകെ 300 പേരെയാണ് നിയമിക്കുന്നത്. പുരുഷന്മാര്‍ (ജനറല്‍ 36, ഒ.ബി.സി 20, എസ്.സി 14, എസ്.ടി 05), സ്ത്രീകള്‍ (ജനറല്‍ 107, ഒ.ബി.സി 63, എസ്.സി 39, എസ്.ടി 16) എന്നിങ്ങനെയാണ് ഒഴിവുകള്‍. കോഴിക്കോട്, ചെന്നൈ, ബംഗളൂരു, ഹൈദരാബാദ് എന്നിവിടങ്ങളിലായിരിക്കും നിയമനം.

അപേക്ഷകര്‍ അംഗീകൃത ബോര്‍ഡിന് കീഴില്‍ പ്ലസ്ടു വിജയിച്ചവരായിരിക്കണം. സര്‍ക്കാര്‍ അംഗീകൃത സ്ഥാപനത്തില്‍നിന്നു ഹോട്ടല്‍ മാനേജ്‌മെന്റ് ആന്‍ഡ് കാറ്ററിങ് ടെക്‌നോളജിയില്‍ ബിരുദം, ഡിപ്ലോമയുള്ളവര്‍ക്ക് മുന്‍ഗണന ലഭിക്കും. ഇംഗ്ലീഷിലും ഹിന്ദിയിലും സംസാരിക്കാന്‍ കഴിയണം. അവിവാഹിതരായ 18നും 27നുമിടയില്‍ പ്രായമുള്ളവരാണ് അപേക്ഷിക്കേണ്ടത്. ഒ.ബി.സിക്കു മൂന്നു വര്‍ഷവും എസ്.സി, എസ്.ടിക്ക് അഞ്ചു വര്‍ഷവും പ്രായപരിധിയില്‍ ഇളവുലഭിക്കും.

2016 ഒക്ടോബര്‍ ഒന്ന് അടിസ്ഥാനത്തിലാണ് പ്രായം കണക്കാക്കുക. സ്ത്രീകള്‍ക്ക് 160 സെന്റീമീറ്ററും പുരുഷന്മാര്‍ക്ക് 172 സെന്റീമീറ്ററും ഉയരം വേണം. ഗ്രൂപ് ചര്‍ച്ച, പേഴ്‌സണാലിറ്റി അസസ്‌മെന്റ് ടെസ്റ്റ് എന്നിവയിലൂടെയാണ് ആദ്യഘട്ട തെരഞ്ഞെടുപ്പ്. തെരഞ്ഞെടുക്കപ്പെടുന്നവര്‍ക്ക് എഴുത്തുപരീക്ഷയുണ്ടായിരിക്കും.

www.airindia.in എന്ന വെബ്‌സൈറ്റില്‍ ഇമൃലലൃ ലിങ്കില്‍ പ്രവേശിച്ചിച്ചാണ് അപേക്ഷിക്കേണ്ടത്.
10 കെ.ബി35 കെ.ബി ജെ.പി.ജി ഫോര്‍മാറ്റ് പാസ്‌പോര്‍ട്ട് സൈസ് ഫോട്ടോ, ചെന്നൈയില്‍ മാറാന്‍ പറ്റുന്ന തരത്തില്‍ എയര്‍ ഇന്ത്യ ലിമിറ്റഡ് എന്ന വിലാസത്തില്‍ 1000 രൂപയുടെ ഡിമാന്‍ഡ് ഡ്രാഫ്റ്റ് (പേഴ്‌സണല്‍ അസസ്‌മെന്റ് ടെസ്റ്റിന് ഡിമാന്‍ഡ് ഡ്രാഫ്റ്റ് ഹാജരാക്കണം), എസ്.സി, എസ്.ടി, ഒ.ബി.സി ജാതി സര്‍ട്ടിഫിക്കറ്റ് എന്നിവ ഓണ്‍ലൈന്‍ അപേക്ഷയോടൊപ്പം സ്‌കാന്‍ ചെയ്ത് സമര്‍പ്പിക്കണം.
വിശദവിവരങ്ങള്‍ക്ക് വെബ്‌സൈറ്റ് സന്ദര്‍ശിക്കുക. അപേക്ഷ സ്വീകരിക്കുന്ന അവസാന തിയതി: നവംബര്‍ 08.