മലപ്പുറം:  സാധാരണക്കാരന്റെ പ്രശ്‌നങ്ങള്‍ക്ക് ശാശ്വത പരിഹാരം കണ്‍െണ്ടത്തുന്നതിന്റെ ഭാഗമായി ജില്ലാ  കലക്ടര്‍ എ.ഷൈനമോളുടെ നേതൃത്വത്തില്‍ നടത്തുന്ന 'ജില്ലാ ഭരണം ജനങ്ങള്‍ക്കരികെ'  ഇന്നു പെരിന്തല്‍മണ്ണയില്‍ നടക്കും.
പെരിന്തല്‍മണ്ണ നഗരസഭാ ടൗണ്‍ ഹാളിലാണു പരിപാടി. പെരിന്തല്‍മണ്ണ, പാതായ്ക്കര, ആനമങ്ങാട്, ആലിപറമ്പ്, അരക്കുപറമ്പ്, താഴെക്കോട്, കാര്യവട്ടം,  വെട്ടത്തൂര്‍, മേലാറ്റൂര്‍, എടപ്പറ്റ, കീഴാറ്റൂര്‍, നെന്മിനി തുടങ്ങിയ 12 വില്ലേജുകളിലെ ആളുകള്‍ക്കു പരിപാടിയില്‍ പങ്കെടുത്തു നിവേദനങ്ങളും അപേക്ഷകളും സമര്‍പ്പിക്കാം.
രാവിലെ 8.50 മുതല്‍  പൊതുജനങ്ങളില്‍ നിന്നും പരാതികളും അപേക്ഷകളും സ്വീകരിച്ചു രജിസ്‌ട്രേഷന്‍ നടത്തും.
അവസാന  പരാതിക്കാരന്റെയും പരാതി സ്വീകരിച്ചശേഷം മാത്രമെ പരിപാടി അവസാനിപ്പിക്കൂ.