മണ്ണാര്‍ക്കാട്: റേഷന്‍ വിതരണം പുനസ്ഥാപിക്കുക എന്നാവശ്യപ്പെട്ടുകൊണ്ട് മണ്ണാര്‍ക്കാട്, കോങ്ങാട് നിയോജക മണ്ഡലം കമ്മിറ്റികള്‍ സംയുക്തമായി നടത്തുന്ന മണ്ണാര്‍ക്കാട് താലൂക്ക് സപ്ലൈ ഓഫീസ് മാര്‍ച്ച് ഇന്ന് രാവിലെ 10മണിക്ക് നടക്കും. മണ്ണാര്‍ക്കാട് ബ്ലോക്ക് പഞ്ചായത്ത് ഓഫീസ് പരിസരത്ത് നിന്ന് തുടങ്ങുന്ന മാര്‍ച്ച് മിനി സിവില്‍ സ്റ്റേഷനിലില്‍ അവസാനിക്കും. പ്രതിഷേധ മാര്‍ച്ച് മുസ്‌ലിംലീഗ് ജില്ലാ ജനറല്‍ സെക്രട്ടറി കളത്തില്‍ അബ്ദുല്ല ഉദ്ഘാടനം ചെയ്യും. യൂത്ത്‌ലീഗ് മണ്ഡലം പ്രസിഡന്റ് അര്‍സല്‍ എരേരത്ത് അധ്യക്ഷത വഹിക്കും. ചടങ്ങില്‍ മുസ്‌ലിംലീഗ്, യൂത്ത്‌ലീഗ്, പോഷക സംഘടനാ ജില്ല, മണ്ഡലം നേതാക്കള്‍ സംബന്ധിക്കും. യൂത്ത്‌ലീഗ് പ്രവര്‍ത്തകര്‍ 9.30ന് പൊലീസ് സ്റ്റേഷന്‍ പരിസരത്ത് എത്തിച്ചേരണമെന്ന് മണ്ണാര്‍ക്കാട്, കോങ്ങാട് മണ്ഡലം ഭാരവാഹികള്‍ അറിയിച്ചു.
പട്ടാമ്പി: റേഷന്‍ വിതരണം പുനഃസ്ഥാപിക്കണമെന്നാവശ്യപ്പെട്ട് മുസ്‌ലിം യൂത്ത് ലീഗ് പട്ടാമ്പി, തൃത്താല നിയോജകമണ്ഡലം കമ്മിറ്റികളുടെ ആഭിമുഖ്യത്തില്‍ ഇന്ന്  രാവിലെ 10ന് പട്ടാമ്പി താലൂക്ക് സപ്ലൈ ഓഫിസിലേക്ക് മാര്‍ച്ച് നടത്തും. മേലേപട്ടാമ്പി കല്‍പ്പക ജങ്ഷനില്‍ നിന്നും മാര്‍ച്ച് ആരംഭിക്കും. സി.എ.എം.എ കരീം ഉദ്ഘാടനം ചെയ്യും. സി.എ റാസി അധ്യക്ഷനാകും. എം.എ സമദ് ഉദ്ഘാടനം ചെയ്യും. സി.കെ അബ്ദുള്ള, എന്‍.പി മരക്കാര്‍, കെ.ടി.എ ജബ്ബാര്‍, യു. ഹൈദ്രോസ്, വി.എം മുഹമ്മദലി, പി.ടി മുഹമ്മദ്, പി.ഇ.എ സലാം, എസ്.എം.കെ തങ്ങള്‍, അഡ്വ. കെ.സി സല്‍മാന്‍, വി.എസ് മുസ്തഫ തങ്ങള്‍, വി.പി ഫാറൂഖ്, അഡ്വ. ബഷീര്‍ കുമ്പിടി, കെ.എ റഷീദ്, കെ. സമദ്, കെ.കെ.എ അസീസ് കൈപ്പുറം പ്രസംഗിക്കും.