കോട്ടക്കല്‍: എടരിക്കോട് ടെക്‌സ്‌റ്റൈല്‍സില്‍ തൊഴിലാളികള്‍ക്ക് കഴിഞ്ഞ മാസത്തെ ശമ്പളം ലഭിക്കാത്ത സാഹചര്യത്തില്‍ അനിശ്ചിത കാലത്തേക്ക് ലേ ഓഫ് പ്രഖ്യാപിച്ച മാനേജ്‌മെന്റ് നടപടിയില്‍ എടരിക്കോട് ടെക്‌സറ്റിയില്‍സിലെ തൊഴിലാളിസംഘടനകള്‍ പ്രതിഷേധിച്ചു. ഇന്നു രാവിലെ എട്ട് മുതല്‍ മില്‍ ഗേറ്റിന് മുമ്പില്‍ സംയുക്ത ട്രേഡ് യൂനിയന്റെ ആഭിമുഖ്യത്തില്‍ ധര്‍ണ സമരം നടത്തുമെന്നു യൂനിയന്‍ ഭാരവാഹികളായ സിദ്ധീഖ് താനൂര്‍,പി സിദ്ധീഖ്, പി മൂസക്കുട്ടി (എസ്.ടി.യു), കെ.യു ഇഖ്ബാല്‍, പി.പി അജിത്, രവീന്ദ്രനാഥ് (സി.ഐ.ടി.യു), പി.വി ജയരാജന്‍, കെ.പി രാമദാസ്, കെ.പി മുരളി (ഐ.എന്‍.ടി.യു.സി), എന്‍.എം സുല്‍ഫീക്കര്‍, സി കോയ (സ്റ്റാഫ്) എന്നിവര്‍ അറിയിച്ചു.