ഇരിക്കൂര്‍: വ്യായാമത്തിലൂടെ പ്രവര്‍ത്തിക്കുന്ന വാഷിങ് മെഷീന്‍ കൗതുകമായി. ഇരിക്കൂര്‍ ഗവ. ഹയര്‍സെക്കന്‍ഡറി സ്‌കൂളില്‍ നടന്ന ഉപജില്ലാശാസ്‌ത്രോത്സവത്തിലാണ് വിദ്യാര്‍ഥികള്‍ കൗതുകകരമായ മെഷീന്‍ രൂപകല്‍പനചെയ്തത്.
വൈദ്യുതി ചെലവില്ലെന്നാണ് ഇതിന്റെ മെച്ചം. ഒരു സൈക്കിള്‍ വഴിയാണ് ഇതുപ്രവര്‍ത്തിപ്പിക്കുന്നത്. സൈക്കിളിന്റെ ചക്രം കറക്കി അതിന്റെ വേഗതയില്‍ സമീപത്തു തയാറാക്കിയ ടാങ്കില്‍ വസ്ത്രങ്ങളുംആവശ്യത്തിന് വെള്ളവും സോപ്പുപൊടിയും ചേര്‍ത്താല്‍ അരമണിക്കൂറിനകം അലക്കിയെടുക്കാം.