..



മുക്കം: എസ്.വൈ.എസ് തിരുവമ്പാടി നിയോജക മണ്ഡലം കമ്മിറ്റി സംഘടിപ്പിക്കുന്ന മതേതര സംഗമം ഇന്നു വൈകിട്ട് 3.30ന് മുക്കത്ത് നടക്കും. സംസ്ഥാന കമ്മിറ്റിയുടെ 'ഐ.എസ്, സലഫിസം, ഫാസിസം' കാംപയിനിന്റെ ഭാഗമായാണു സംഗമം നടക്കുന്നതെന്നു മണ്ഡലം നേതാക്കള്‍ വാര്‍ത്താസമ്മേളനത്തില്‍ പറഞ്ഞു. പരിപാടി നാസര്‍ ഫൈസി കൂടത്തായി ഉദ്ഘാടനം ചെയ്യും. സി.കെ ഖാസിം(മുസ്‌ലിം ലീഗ്), എം.ടി അഷ്‌റഫ് (കോണ്‍ഗ്രസ്), വി. വസീഫ് (സി.പി.എം), വി. കുഞ്ഞാലി (ജനതാദള്‍), എ.പി മുരളീധരന്‍ മാസ്റ്റര്‍ (മുക്കം പ്രസ് ഫോറം), സലാം ഫൈസി മുക്കം (എസ്.വൈ.എസ്) സംസാരിക്കും. വാര്‍ത്താസമ്മേളനത്തില്‍ എം.കെ ഉമര്‍ ബാഖവി, നടുക്കണ്ടി അബൂബക്കര്‍, ഗഫൂര്‍ ഫൈസി ചെറുവാടി, സുബൈര്‍ നെല്ലിക്കാപറമ്പ് പങ്കെടുത്തു.