പാറ്റ്‌ന: ബിഹാറില്‍ മുതിര്‍ന്ന മാധ്യമപ്രവര്‍ത്തകന്‍ കൊല്ലപ്പെട്ടതുമായി ബന്ധപ്പെട്ട് ആര്‍.ജെ.ഡി പ്രവര്‍ത്തകന്‍ അറസ്റ്റില്‍. ഉപേന്ദ്രസിങിനെ ആണ് അറസ്റ്റ് ചെയ്തിരിക്കുന്നത്. ആര്‍.ജെ.ഡി എം.എല്‍.എ മുഹമ്മദ് സൊഹ്‌റാബുദ്ധീന്റെ അടുത്ത അനുയായി ആണ് ഉപേന്ദ്രസിങ്.
കഴിഞ്ഞ ദിവസമാണ് മുതിര്‍ന്ന മാധ്യമപ്രവര്‍ത്തകനായ രാജ്ദിയോ രഞ്ജന്‍ വെടിയേറ്റു മരിച്ചത്. മൂന്നു തവണ വെടിയേറ്റ രഞ്ജന്‍ സംഭവസ്ഥലത്തുവച്ചു തന്നെ മരണപ്പെട്ടു. ഉപേന്ദ്രസിങിന്റെ അറസ്റ്റ് ആര്‍.ജെ.ഡി സിവാന്‍ ജില്ലാ പ്രസിഡന്റ് പര്‍മത്മ റാം അറസ്റ്റ് സ്ഥിരീകരിച്ചിട്ടുണ്ട്. വാടകക്കൊലയാളികളാണ് കൊലപാതകത്തിനു പിന്നിലെന്ന് പൊലിസ് സംശയിക്കുന്നു.