റിയോ ഡി ജനീറോ: ബ്രസീല്‍ മുന്‍ ഫുട്‌ബോള്‍ ടീം ക്യാപ്റ്റന്‍ കാര്‍ലോസ് ആല്‍ബര്‍ട്ടോ അന്തരിച്ചു.72 വയസ്സായിരുന്നു. റിയോ ഡെ ജനീറോയിലെ വസതിയില്‍ ഹൃദയാഘാതത്തെ തുടര്‍ന്നായിരുന്നു അന്ത്യം.

1970 ല്‍ ബ്രസീല്‍ ടീം ലോകകപ്പ് നേടിയപ്പോള്‍ ടീമിന്റെ ക്യാപ്റ്റനായിരുന്നു ആല്‍ബര്‍ട്ടോ. ഫൈനലില്‍ ഇറ്റലിക്കെതിരായി കാര്‍ലോസ് നേടിയ ഗോള്‍ ലോകകപ്പ് ചരിത്രത്തിലെ മികച്ച ഗോളായാണ് കണക്കാക്കുന്നത്.

ബ്രസീലിനായി 53 മത്സരങ്ങളില്‍ ബൂട്ടണിഞ്ഞു. സാന്റോസ്, ഫളുമിനെന്‍സ്, ഫ്‌ളമെന്‍ഗോ, ന്യൂയോര്‍ക്ക് കോസ്‌മോസ് തുടങ്ങിയ ക്ലബ്ബുകള്‍ക്കായും അദ്ദേഹം കളത്തിലിറങ്ങി.