വെള്ളാങ്ങല്ലൂര്‍: വെള്ളാങ്ങല്ലൂര്‍ പഞ്ചായത്ത് വിദ്യഭ്യാസ സംഗമം 2016 കൊടുങ്ങല്ലൂര്‍ എം.എല്‍.എ അഡ്വ:വി.ആര്‍ സുനില്‍ കുമാര്‍ ഉദ്ഘാടനം ചെയ്തു. പഞ്ചായത്ത് വൈസ് പ്രസിഡന്റ് ഉണ്ണികൃഷ്ണന്‍ കുറ്റിപ്പറമ്പില്‍ അധ്യക്ഷനായി. ചടങ്ങില്‍ ദേശീയ അധ്യാപക അവാര്‍ഡ് കരസ്ഥമാക്കിയ സി.ബി ഷക്കീല ടീച്ചറെയും, വിവിധ അധ്യാപകരെയും ആദരിച്ചു. പൊതു വിദ്യാലയങ്ങള്‍ മികവിന്റെ കേന്ദ്രങ്ങളാക്കാം എന്ന വിഷയത്തില്‍ എസ്.എസ്.എ പ്രോഗ്രാം ഓഫിസര്‍ ബെന്നി ജേക്കബ്.സി ക്ലാസെടുത്തു. പഞ്ചായത്തിലെ വിവിധ സ്‌കൂളുകളിലെ ടീച്ചര്‍മാരും, വിദ്യാര്‍ഥികളും, അംഗന്‍വാടി അധ്യാപകരും, പി.ടി.എ, എം.പി.ടി.എ അംഗങ്ങളും പങ്കെടുത്തു. തുടര്‍ന്ന് അധ്യാപകരുടെയും വിദ്യാര്‍ഥികളുടെയും കലാപരിപാടികള്‍ നടന്നു.