പാലക്കാട്: കെ.പി കേശവമേനോന്‍ സ്മാരക ട്രസ്റ്റിന്റെ ഈ വര്‍ഷത്തെ കേശവമേനോന്‍ പുരസ്‌കാരത്തിന് സി രാധാകൃഷ്ണനെ തിരെഞ്ഞടുത്തതായി ട്രസ്റ്റ് ഭാരവാഹികള്‍ പത്രസമ്മേളനത്തില്‍ അറിയിച്ചു. നവംബര്‍ അഞ്ചിന് വൈകിട്ട് അഞ്ചിന് തരൂര്‍ കെ.പി കേശവമേനോന്‍ ഓഡിറ്റോറിയത്തില്‍ നടക്കുന്ന കേശവമേനോന്‍ അനുസ്മരണ സമ്മേളനത്തില്‍  കാല്‍ലക്ഷം രൂപയും ശില്‍പവും അടങ്ങുന്ന പുരസ്‌കാരം മലയാളം സര്‍വകലാശാല വൈസ് ചാന്‍സലര്‍ കെ ജയകുമാര്‍ നല്‍കും. മാതൃഭൂമി എഡിറ്റര്‍ എം കേശവമേനോന്‍ അനുസ്മരണപ്രഭാഷണം നടത്തും. മുണ്ടൂര്‍ സേതുമാധവന്‍ അധ്യക്ഷനാകും. സി രാധാകൃഷ്ണന്റെ സാഹിതീയ സംഭാവനകളെക്കുറിച്ച് പ്രൊഫ. വിജുനായരങ്ങാടി സംസാരിക്കും.