തിരുവനന്തപുരം: സംസ്ഥാനത്ത് ദുരൂഹസാഹചര്യത്തില്‍ സ്ത്രീകളെയും കുട്ടികളെയും കാണാതാകുന്ന സംഭവം വര്‍ധിക്കുന്നതായി മുഖ്യമന്ത്രി പിണറായി വിജയന്‍. ഈ വര്‍ഷം സെപ്റ്റംബര്‍ 15 വരെ 74 സ്ത്രീകളെയും 28 കുട്ടികളെയും കാണാതായതായി പരാതി ലഭിച്ചിട്ടുണ്ട്.
കാസര്‍കോട് ജില്ലയില്‍ മെയ് 18 മുതല്‍ സെപ്റ്റംബര്‍ 30 വരെ വ്യാജ പാസ്‌പോര്‍ട്ട് തട്ടിപ്പുമായി ബന്ധപ്പെട്ട് 170 കേസുകള്‍ രജിസ്റ്റര്‍ ചെയ്തിട്ടുണ്ട്. ഇതുമായി ബന്ധപ്പെട്ട് 71 പേരെ അറസ്റ്റ് ചെയ്തു. ഇതരസംസ്ഥാന തൊഴിലാളികള്‍ക്കെതിരേ കേരളത്തില്‍ രജിസ്റ്റര്‍ ചെയ്യുന്ന ക്രിമിനല്‍ കേസുകളുടെ എണ്ണത്തിലും വര്‍ധനവുണ്ടായിട്ടുണ്ട്. ഇക്കൊല്ലം ഒക്ടോബര്‍ 16 വരെ 492 കേസുകള്‍ രജിസ്റ്റര്‍ ചെയ്തു. 2015ല്‍ 568 ക്രിമിനല്‍ കേസുകളാണ് രജിസ്റ്റര്‍ ചെയ്തിരുന്നത്. 2014ല്‍ ഇത് 420 ആയിരുന്നു. പൊതുസ്ഥലത്തെ മദ്യപാനവുമായി ബന്ധപ്പെട്ട് ഈവര്‍ഷം ഏപ്രില്‍ മുതല്‍ ഒക്ടോബര്‍ 15 വരെ 34,261 കേസുകള്‍ രജിസ്റ്റര്‍ ചെയ്തിട്ടുണ്ട്. 2014-15 കാലയളവില്‍ ഇത് 50,934 ആയിരുന്നുവെന്നും മുഖ്യമന്ത്രി പറഞ്ഞു.